ಟೈಗರ್ ಪ್ರಭಾಕರ್  ವಿಶಿಷ್ಟ ಕಂಗ್ಲಿಷ್ ಭಾಷೆಯಿಂದ ಅಪಾರ ಖ್ಯಾತಿ ಹೊಂದಿದ್ದ ಟೈಗರ್ ಪ್ರಭಾಕರ್ ರವರು ಕನ್ನಡ ಮಾತ್ರವಲ್ಲದೇ ತಮಿಳು, ತೆಲಗು ಮತ್ತು ಹಿಂದಿ ಚಿತ್ರಗಳಲ್ಲೂ ಕೂಡ ಖಳನಟರಾಗಿ ಮಿಂಚಿದ್ದರು. ನಂತರ ನಾಯಕನಾಗಿ ಹೆಚ್ಚು ಖ್ಯಾತಿ ಪಡೆದ ನಂತರ ಕೆಲ ಚಿತ್ರಗಳನ್ನು ನಿರ್ಮಿಸಿ ನಿರ್ದೇಶನ ಕೂಡ ಮಾಡಿದ್ದಾರೆ. ಇವರ ಪುತ್ರ ವಿನೋದ್ ಚಿತ್ರರಂಗದಲ್ಲಿ ನಾಯಕರಾಗಿ ಸಕ್ರಿಯವಾಗಿದ್ದಾರೆ.

ದೊಡ್ಡಣ್ಣ  ಸುಮಾರು 800 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ದೊಡ್ಡಣ್ಣನವರು 90 ರ ದಶಕಕ್ಕಿಂತ ಹಿಂದೆ ಖಳನಾಯಕನ ಪಾತ್ರದಲ್ಲಿ ಮಿಂಚುತ್ತಿದ್ದರು. 90 ರ ದಶಕದ ನಂತರ ಹಾಸ್ಯ ಮತ್ತು ಪೋಷಕ ಪಾತ್ರಗಳತ್ತ ಗಮನ ಹರಿಸಿದರು. ವೃತ್ತಿ ರಂಗಭೂಮಿ ಹಿನ್ನಲೆಯಿಂದ ಬಂದ ಇವರು ಚಿತ್ರರಂಗಕ್ಕೂ ಬರುವ ಮುನ್ನ ಭದ್ರಾವತಿ ಉಕ್ಕಿನ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿದ್ದರು.

ಮುಖ್ಯ ಮಂತ್ರಿ ಚಂದ್ರು  ಹಾಸ್ಯ ನಟನೆ ಮತ್ತು ಕನ್ನಡ ಪರ ಹೋರಾಟಗಳ ಮೂಲಕ ಪ್ರಸಿದ್ಧರಾಗಿರುವ ಮುಖ್ಯಮಂತ್ರಿ ಚಂದ್ರುರವರು ಮೊದಲು ಖಳನಾಯಕನ ಪಾತ್ರ ಮಾಡುತ್ತಿದ್ದರು. ನಂತರ ಹಾಸ್ಯ ಲೇಪಿತ ಖಳನ ಪಾತ್ರದಿಂದ ಸಂಪೂರ್ಣ ಹಾಸ್ಯಕ್ಕೆ ಸರಿದರು. ವಿಧಾನ ಪರಿಷತ್ ಸದಸ್ಯನಾಗಿ ಮತ್ತು ಕನ್ನಡ ಅಭಿವೃದ್ದಿ ಪ್ರಾಧಿಕಾರದ ಮುಖ್ಯಸ್ತನಾಗಿ ಕೂಡ ಕಾರ್ಯ ನಿರ್ವಹಿಸಿದ್ದಾರೆ.